پاکستان میں سونے کی قیمت میں 3400 روپے کا اضافہ ہوا ہے، جس کے بعد فی تولہ سونا تاریخ کی نئی بلند ترین سطح پر پہنچ گیا ہے۔

پیر کو عالمی اور مقامی گولڈ مارکیٹس میں سونے کی قیمت بلند ترین سطح پر پہنچ گئی ہے۔

آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونے کا بھاؤ 3400 اضافے سے 3 لاکھ 93 ہزار700 روپے ہوگیا ہے۔

اسی طرح 10 گرام سونے کے نرخ میں 2915 روپے کا اضافہ ہوا ہے جس کے بعد 10 گرام سونا 3 لاکھ 37 ہزار 534 روپے کا ہو گیا ہے۔

اس کے علاوہ پاکستان میں چاندی نے مہنگا ہونے کا نیا ریکارڈ بنادیا، فی تولا چاندی کی قیمت 63 روپے بڑھ کر 4595 روپے ہوگئی۔

دوسری جانب انٹرنیشنل گولڈ مارکیٹ میں فی اونس سونا 34 ڈالر مہنگا ہوکر 3719 ڈالر کا ہوگیا۔