عالمی اور مقامی گولڈ مارکیٹس میں سونے کی قیمت میں مزید کمی ہوگئی، آج پاکستان میں سونے کی قیمت 2000 ہزار روپے گھٹ گئی۔

آل پاکستان جیمز اینڈ جیولرز ایسوسی ایشن کے مطابق آج ملک میں فی تولہ سونے کی قیمت میں 2000 روپے کی کمی ہوئی ہے، جس کے بعد فی تولہ سونے کی قیمت 3 لاکھ 53 ہزار روپے کی سطح پر آگئی۔

اسی طرح 10 گرام سونے کی قیمت 1714 روپے کی کمی سے 3 لاکھ 2 ہزار 641 روپے ہوگئی۔

اس کے علاوہ فی تولہ چاندی کی قیمت بھی 63 روپے کی کمی سے 3 ہزار 900 روپے اور 10 گرام چاندی کی قیمت بھی 53 روپے کی کمی سے 3 ہزار 344 روپے کی سطح پر آگئی۔

دوسری جانب عالمی مارکیٹ میں 20 ڈالر کی کمی سے فی اونس سونا 3303 ڈالر پر آگیا ہے۔