پاکستان اسٹاک ایکسچینج میں کاروباری دن کے آغاز پر زبردست تیزی دیکھنے میں آئی، جہاں 100 انڈیکس نے 1 لاکھ 26 ہزار پوائنٹس کا تاریخی سنگ میل عبور کر لیا۔

کاروبار کے آغاز پر 800 پوائنٹس سے زائد اضافہ ریکارڈ کیا گیا اور 100 انڈیکس گزشتہ روز کا ریکارڈ توڑتے ہوئے 1 لاکھ 25 ہزار کی سطح پار کرگیا۔

بعدازاں، دوران کاروبار 100 انڈیکس 1700 پوائنٹس اضافے کے ساتھ ایک لاکھ 26 ہزار کا سنگ میل بھی عبور کر گیا۔

کاروباری حلقوں کے مطابق اسٹاک مارکیٹ میں یہ تیزی سرمایہ کاروں کے بڑھتے اعتماد، مالیاتی پالیسی میں تسلسل اور متوقع معاشی اصلاحات کے باعث دیکھی گئی۔

تجزیہ کاروں کا کہنا ہے کہ موجودہ صورتحال اگر برقرار رہی تو آنے والے دنوں میں مارکیٹ میں مزید بہتری کا امکان ہے، تاہم عالمی مالیاتی حالات اور ملکی سیاسی منظرنامہ اسٹاک مارکیٹ کی سمت پر اثر انداز ہو سکتے ہیں۔

سرمایہ کاروں نے موجودہ تیزی کو ملکی معیشت کے لیے حوصلہ افزا اشارہ قرار دیا ہے۔