امریکی صدر ڈونلڈ ٹرمپ نے کانگریس سے خطاب میں عرب ممالک اور اسرائیل کے درمیان ابراہم معاہدے کی تعریف کرتے ہوئے کہا کہ مستقبل میں مزید معاہدے ہوں گے۔

انہوں نے اعلان کیا کہ امریکا غزہ سے اپنے یرغمالیوں کو واپس لے آیا ہے اور اس سلسلے میں مزید اقدامات کیے جا رہے ہیں۔ صدر ٹرمپ نے اسرائیل کے طرز پر امریکا کے لیے ایک جدید میزائل ڈیفنس شیلڈ سسٹم بنانے کے عزم کا بھی اظہار کیا۔

ٹرمپ کے ہاتھوں پر نیل نے تشویش پھیلا دی

اپنے خطاب میں صدر ٹرمپ نے یوکرین کے صدر ولودیمیر زیلنسکی کی جانب سے ملنے والے ایک خط کا ذکر کیا، جس میں یوکرین نے مذاکرات کی میز پر آنے اور امن کے لیے بات چیت کرنے پر آمادگی ظاہر کی ہے۔

صدر ٹرمپ نے کہا کہ ان کی روس کے ساتھ سنجیدہ بات چیت ہوئی ہے اور اس کے قوی اشارے ملے ہیں کہ روس بھی امن کے لیے تیار ہے۔