ملکی اور بین الاقوامی مارکیٹوں میں جمعرات کے روز سونے کی قیمتوں میں استحکام دیکھا گیا۔ مقامی سطح پر فی تولہ سونا گزشتہ روز کی قیمت پر ہی برقرار رہا جبکہ عالمی مارکیٹ میں بھی کوئی نمایاں تبدیلی نہیں آئی۔

صرافہ بازار جیولرز ایسوسی ایشن کے مطابق ملک میں فی تولہ سونا 4 لاکھ 23 ہزار 62 روپے پر مستحکم رہا۔ اسی طرح 10 گرام سونا کی قیمت 3 لاکھ 62 ہزار 707 روپے ریکارڈ کی گئی۔

عالمی منڈی میں بھی سونے کی قیمت میں کوئی ردوبدل نہیں ہوا اور سونا 4007 امریکی ڈالر فی اونس پر مستحکم رہا۔

ماہرین کے مطابق حالیہ استحکام ڈالر کی قیمت میں معمولی اتار چڑھاؤ اور عالمی معیشت میں غیر یقینی صورتحال کے باعث دیکھا جا رہا ہے۔