آپریشن سندور میں پاکستان کے ہاتھوں بدترین شکست پر بھارت شدید بوکھلاہٹ کا شکار ہے جب کہ 3 ماہ بعد اپنی ناکامی کو چھپانے کے لیے بھارتی ایئرچیف نے 6 پاکستانی طیارے مارگرانے کا مضحکہ خیز بیان دے دیا۔

رپورٹ کے مطابق بھارتی ائیر چیف مارشل اے پی سنگھ نے بھارت کے لیے عالمی ہزیمت کا سبب بننے والی 4 روزہ جنگ میں پاکستان کے 5 لڑاکا طیاروں سمیت 6 طیارے تباہ کرنے کا دعویٰ کیا ہے۔

’پاکستان نے بھارت کے پانچ جنگی طیارے گرائے‘: صدر ٹرمپ کی تصدیق

بھارتی ایئر چیف اے پی سنگھ نے ہفتے کے روز یہ مضحکہ خیز دعویٰ بنگلور میں ایک میموریل لیکچر کے دوران کیا ،جس میں ایئرچیف نے دعویٰ کیا کہ بھارت نے پاکستان کے پانچ لڑاکا طیارے اورایک فوجی طیارہ مار گرایا۔

آپریشن ’بنیان مرصوص‘ مکمل ! بھارت کا غرور S-400 سمیت خاک

یہ بیان مئی میں دونوں ایٹمی طاقتوں کے درمیان ہونے والے سنگین ترین فوجی تصادم کے بعد آیا ہے۔

بھارتی فضائیہ کے سربراہ نے کہا کہ بیشتر پاکستانی طیاروں کو بھارت کے روسی ساختہ ایس-400 سطح سے ہوا تک مار کرنے والے میزائل سسٹم کے ذریعے تباہ کیا گیا۔

تعریف وہ جو دشمن کرے، بھارتی ڈپٹی آرمی چیف کا پاکستان کی عسکری برتری کا اعتراف

انہوں نے الیکٹرانک ٹریکنگ ڈیٹا کا حوالہ دیتے ہوئے کہا کہ اس کا تصدیق شدہ ریکارڈ موجود ہے۔

اے پی سنگھ نے کہا کہ ”ہم نے کم از کم 5 فائٹر طیارے اور ایک بڑا طیارہ مار گرایا،“ انہوں نے مزید بتایا کہ یہ بڑا طیارہ جو ممکنہ طور پر نگرانی کا طیارہ ہو سکتا ہے، 300 کلومیٹر (186 میل) کی دوری سے مارا گیا۔

پاکستان نے بھارتی فضائیہ کے 5 طیارے مار گرائے، بی جے پی رہنما نے بھی اعتراف کرلیا

بھارتی ائیرچیف نے 3 ماہ بعد بھی بغیر کسی ثبوت کے یہ دعوے کر کے اپنی ائیرفورس کی پیشہ ورانہ اہلیت پر مزید سوالات کھڑے کردیے۔

پاک فضائیہ نے بھارتی رافیل کیسے گرایا؟ برطانوی ادارے کی رپورٹ میں نئے انکشافات

دوسری جانب پاکستان نے 7 مئی کی فضائی جنگ کے فوراً بعد ہی رافیل سمیت بھارتی لڑاکا طیاروں کو مار گرانے کی تفصیلات تک سامنے رکھ دی تھیں جن کی تائید بھارتی میڈیا کی رپورٹس سے بھی ہوئی تھی۔

اس کے علاوہ پاک فضائیہ نے بھارتی طیاروں کی کمیونی کیشن ہیک کرکے کاک پٹ میں ہوئی گفتگو تک سنا دی تھی۔

یادرہے کہ آپریشن سیندور کے دوران پاک فضائیہ کے ہاتھوں بھارتی طیاروں کی تباہی کا اعتراف امریکی صدر ڈونلڈ ٹرمپ ، عالمی میڈیا اور خود بھارتی آرمی چیف بھی کر چکے ہیں۔