کراچی میں پسند کی شادی کرنے والی لڑکی اور لڑکے نے جان کے خطرے کے پیش نظر ویڈیو بیان جاری کردیا جو سوشل میڈیا پر وائرل ہوگیا۔ ڈالمیا شانتی نگر کی 22 سالہ کومل اور 24 سالہ زبیر نے تحفظ کی اپیل کردی۔

22 سالہ کومل اور 24 سالہ زبیر نے جان کی حفاظت کے لیے اعلیٰ حکام سے مدد کی اپیل کردی ہے۔

پسند کی شادی کرنے والے جوڑے کی زندگی خطرے میں پڑ گئی ہے۔ ڈالمیا شانتی نگر کے رہائشی 22 سالہ کومل اور 24 سالہ زبیر نے اپنی مرضی سے شادی کی ہے، جس کا بیان ان کی وڈیو سوشل میڈیا پر وائرل ہو چکا ہے۔

ویڈیو میں متاثرہ لڑکی کومل نے کہا کہ ہم نے اپنی مرضی سے شادی کی ہے اور اب ہماری جان کو خطرہ لاحق ہے۔

انہوں نے اعلیٰ حکام سے اپیل کی ہے کہ ہمیں تحفظ فراہم کیا جائے اور ہماری مدد کی جائے۔ کومل نے زور دے کر کہا، ”خدارا ہماری مدد کریں، ہماری جان بچائیں۔“