سوات کے بریکوٹ میں سی ٹی ڈی نے کارروائی کرکے تین دہشت گرد ہلاک کر دیے، جن میں ایک اہم کمانڈر بھی شامل ہے۔ یہ دہشت گرد قتل، اقدام قتل اور ٹارگٹ کلنگ کے مقدمات میں مطلوب تھے۔

کاؤنٹر ٹیررازم ڈیپارٹمنٹ (سی ٹی ڈی) نے سوات کے علاقے بریکوٹ کی حدود پارڑی میں کارروائی کرتے ہوئے تین مطلوب دہشت گردوں کو ہلاک کر دیا۔ ہلاک ہونے والوں میں ایک اہم کمانڈر اجمل بھی شامل ہے۔

سی ٹی ڈی ترجمان کے مطابق ہلاک دہشت گرد قتل، اقدام قتل اور ٹارگٹ کلنگ جیسے سنگین جرائم میں مطلوب تھے۔

ترجمان کے مطابق کارروائی میں مارے جانے والے دیگر دو دہشت گردوں کی شناخت مطیع اللہ اور رحیم اللہ کے نام سے ہوئی ہے۔

ترجمان کا کہنا ہے کہ دہشتگردوں کے خلاف کارروائی خفیہ اطلاعات کی بنیاد پر کی گئی اور علاقے میں سیکیورٹی مزید سخت کر دی گئی ہے۔