کراچی کے علاقے کیماڑی میں پولیس اہلکاروں پر منشیات فروشوں کی سرپرستی کے الزام میں ایس ایس پی کیماڑی نے فوری نوٹس لیتے ہوئے 6 پولیس اہلکاروں کو معطل کردیا۔

تفصیلات کے مطابق کراچی کے علاقے کیماڑی میں پولیس اہلکاروں پر منشیات فروشوں کی سرپرستی کے سنگین الزامات سامنے آنے پر ایس ایس پی کیماڑی فیضان علی نے فوری ایکشن لیتے ہوئے 6 اہلکاروں کو معطل کردیا۔

ایس ایس پی کیماڑی کا کہنا ہے کہ ان اہلکاروں کے خلاف انکوائری کا آغاز کردیا گیا ہے اور ابتدائی تحقیقات ایس پی سائٹ کے سپرد کی گئی ہیں جو رپورٹ مرتب کرکے جلد پیش کریں گے۔

انہوں نے واضح کیا کہ اگر الزامات ثابت ہوئے تو ملوث اہلکاروں کو نوکری سے برخاست کر دیا جائے گا۔