**مری میں مسلم لیگ نون کی قیادت نے اہم مشاورتی بیٹھک میں ملکی صورتحال پرغورکیا۔ نوازشریف نے وزیراعظم شہباز شریف کو ہدایت کی کہ بجلی بلوں اور پیٹرولیم مصنوعات میں عوام کو ریلیف دیا جائے۔ اہم بیٹھک میں مریم نواز سمیت دیگر نے شرکت کی۔ نواز شریف نے عوام کے جان ومال کے تحفظ کیلئے اقدامات کی بھی ہدایت کی۔

مسلم لیگ (ن) کی اعلیٰ قیادت کی مری میں اہم بیٹھک ہوئی، جس میں پارٹی صدر نواز شریف، وزیراعظم شہباز شریف، وزیراعلیٰ پنجاب مریم نواز اور خاندان کے دیگر افراد نے شرکت کی۔

ذرائع کے مطابق اجلاس میں ملک کی مجموعی سیاسی اور حالیہ سیلابی صورتحال کا تفصیلی جائزہ لیا گیا۔

ذرائع کے مطابق نواز شریف نے وزیراعظم اور وزیراعلیٰ پنجاب کی کارکردگی کو سراہا اور ہدایت کی کہ عوام کے جان و مال کے تحفظ کے لیے مزید اقدامات کیے جائیں۔

انہوں نے بجلی بلوں اور پٹرولیم مصنوعات میں عوام کو ریلیف دینے پر بھی زور دیا۔

اجلاس کے دوران وزیراعلیٰ پنجاب مریم نواز نے بارشوں کے بعد کی صورتحال سے متعلق آگاہ کیا، جبکہ ٹیلیفونک رابطے میں اپنے ہنگامی دوروں کے بارے میں بھی تفصیلات فراہم کیں۔