ایشین ڈبلز اسکواش چیمپئن شپ کے پہلے روز پاکستانی کھلاڑیوں نے شاندار کارکردگی کا مظاہرہ کرتے ہوئے میدان مار لیا۔ پاکستانی جوڑی نور زمان اور ناصر اقبال نے مسلسل دو مقابلوں میں حریف ٹیموں کو شکست دے کر ایونٹ کا فاتحانہ آغاز کیا۔

پاکستانی اسکواش ٹیم نے اپنے پہلے میچ میں کورین جوڑی کو 0-2 سے اور دوسرے میچ میں فلپائن کی ٹیم کو بھی 0-2 سے باآسانی شکست دی۔ دونوں میچوں میں نورزمان اور ناصر اقبال نے مکمل برتری کے ساتھ کھیل پر اپنی گرفت قائم رکھی۔

ٹیم منیجمنٹ کا کہنا ہے کہ کھلاڑیوں کا اعتماد بلند ہے اور ایونٹ میں شاندار کارکردگی کا سلسلہ آئندہ میچز میں بھی جاری رکھنے کے لیے پرعزم ہیں۔

شائقین نے بھی پاکستانی کھلاڑیوں کی شاندار پرفارمنس پر خوشی کا اظہار کرتے ہوئے ٹیم کے لیے نیک تمناؤں کا اظہار کیا ہے۔