وزیراعظم شہباز شریف نے جمعیت علمائے اسلام کے سربراہ مولانا فضل الرحمان سے ان کی رہائش گاہ پرملاقات کی، وزیراعظم نے مولانا فضل الرحمان کے چھوٹے صاحبزادے اسجد محمود پر حملے اور اغوا کی کوشش پر تشویش کا اظہار کیا۔

وزیراعظم شہباز شریف نے جمعیت علمائے اسلام (ف) کے سربراہ مولانا فضل الرحمان سے ان کی رہائش گاہ پر ملاقات کی۔ اس موقع پر وزیراعظم نے مولانا فضل الرحمان کے صاحبزادے اسجد محمود پر حملے اور اغوا کی کوشش پر گہری تشویش کا اظہار کیا۔

وزیراعظم نے واقعے کی مذمت کرتے ہوئے حملے میں ملوث عناصر کو جلد قانون کی گرفت میں لانے کے احکامات جاری کیے۔

انہوں نے کہا کہ حکومت عوام کے جان و مال کے تحفظ کے لیے تمام وسائل بروئے کار لا رہی ہے اور کسی کو قانون ہاتھ میں لینے کی اجازت نہیں دی جائے گی۔

ملاقات میں ملک کی مجموعی سیاسی صورت حال اور قومی معاملات پر بھی تبادلہ خیال کیا گیا۔

اس موقع پر وفاقی وزرا احسن اقبال، اعظم نذیر تارڑ، عطاء اللہ تارڑ اور وزیراعظم کے مشیر رانا ثناء اللہ بھی وزیراعظم کے ہمراہ تھے۔