مسیحیوں کے روحانی پیشوا پوپ لیو نے مشرقِ وسطیٰ کی کشیدہ صورتحال پر گہری تشویش کا اظہار کرتے ہوئے اسرائیل اور ایران سے ہوش مندی سے کام لینے کی اپیل کی ہے۔

سینیٹ پیٹرز باسلیکیا میں خطاب میں ان کا کہنا کہ دونوں ملکوں کو بات چیت کے دروازے کھلے رکھنے چاہییں اور تصادم کے بجائے مکالمے کا راستہ اختیار کرنا چاہیے۔

پوپ لیو کا کہنا تھا کہ ہم ایک ایسی دنیا کے خواہاں ہیں جو جوہری خطرے سے پاک اور پرامن ہو۔ کسی کو کسی دوسرے کے وجود کے لیے خطرہ نہیں بننا چاہیے۔

پوپ نے عالمی برادری پر زور دیا کہ وہ امن، مفاہمت اور انسانی اقدار کے تحفظ کے لیے کردار ادا کرے۔ ان کا کہنا تھا کہ تمام اقوام کا یہ اخلاقی فرض ہے کہ وہ امن کے مقصد کی حمایت کریں اور دشمنی کے بجائے ہم آہنگی کا راستہ اختیار کریں۔

پوپ لیو کا یہ بیان ایسے وقت میں سامنے آیا ہے جب خطے میں اسرائیل اور ایران کے درمیان تناؤ بڑھتا جا رہا ہے اور عالمی سطح پر ایک ممکنہ بڑی جنگ کے خدشات بڑھ رہے ہیں۔