خیبرپختونخوا حکومت کا آئندہ مالی سال 26-2025 کا بجٹ عیدالاضحیٰ کے بعد پیش کیے جانے کا امکان ہے۔ وزیراعلیٰ خیبرپختونخوا کے مشیر برائے خزانہ مزمل اسلم کے مطابق صوبائی بجٹ کا مجموعی حجم ساڑھے 1900 ارب روپے تک متوقع ہے۔

مزمل اسلم کا کہنا ہے کہ ترقیاتی پروگرام کے لیے 165 سے 175 ارب روپے مختص کیے جانے کا امکان ہے۔ انہوں نے بتایا کہ ضم شدہ اضلاع کا سالانہ ترقیاتی بجٹ وفاقی حکومت کی نشاندہی کے بعد حتمی شکل دی جائے گی۔

مشیر خزانہ کے مطابق آئندہ بجٹ میں کوئی نیا میگا پراجیکٹ شامل نہیں ہوگا بلکہ جاری منصوبوں کی تکمیل کو ترجیح دی جائے گی تاکہ ترقیاتی تسلسل برقرار رکھا جا سکے۔

بجٹ 26-2025 میں گاڑیاں سستی ہونے کا امکان

انہوں نے مزید بتایا کہ بجٹ میں ایکسپورٹ پر 2 فیصد ٹیکس لگانے کا معاملہ بھی زیر غور ہے، جس پر مختلف اسٹیک ہولڈرز سے مشاورت جاری ہے۔

ادھر سرحد چیمبر آف کامرس نے بھی آئندہ بجٹ کے لیے اپنی تجاویز تیار کر لی ہیں، جنہیں حکومت کو پیش کیا جائے گا۔ کاروباری برادری نے برآمدات کو فروغ دینے اور مقامی صنعتوں کو سہولت دینے پر زور دیا ہے۔

پاکستان اور آئی ایم ایف کے درمیان بجٹ 26-2025 پر اہم اہداف طے پا گئے

صوبائی بجٹ سے متعلق حتمی فیصلے مشاورت کے بعد عیدالاضحیٰ کے بعد متوقع بجٹ اجلاس میں کیے جائیں گے۔