پاکستان میں سونے کی قیمت میں کمی دیکھنے میں آرہی ہے، جہاں آج فی تولہ سونا 2300 روپے سستا ہوگیا۔

عالمی اور مقامی مارکیٹوں میں سونے کی قیمت میں ایک روزہ تیزی کے بعد آج دوبارہ کمی ریکارڈ کی گئی۔

آل پاکستان صراف اینڈ جیولرز ایسوسی ایشن سے جاری اعداد وشمار کے مطابق ملک میں فی تولہ سونا 2 ہزار 300 روپے کمی کے بعد 3 لاکھ 41 ہزار 900 روپے کا ہوگیا۔

اس کے علاوہ 10 گرام سونے کی قیمت 1 ہزار 972 روپے گھٹ کر 2 لاکھ 93 ہزار 124 روپے کی سطح پر آگئی۔

اس طرح فی تولہ چاندی کی قیمت بغیر کسی تبدیلی کے 3 ہزار 482 روپے اور 10 گرام چاندی کی قیمت بھی بغیر کسی تبدیلی کے 2 ہزار 985 روپے کی سطح پر مستحکم رہی۔

دوسری جانب عالمی بازار میں سونا 23 ڈالر کمی کے بعد 3 ہزار 235 ڈالر فی اونس کا ہوگیا۔