پاکستان تحریک انصاف (پی ٹی آئی) کے وائس چیئرمین شاہ محمود قریشی نے بھارت سے جنگ بندی کے بعد ملک میں سیاسی جنگ بند کرنے کی اپیل کردی۔

ذرائع کے مطابق سابق وزیر خارجہ شاہ محمود قریشی نے کوٹ لکھپت جیل سے عوام کے نام ایک خط لکھا ہے، جس میں انہوں نے بھارت سے جنگ بندی کے بعد ملک کے اندر بھی سیاسی جنگ بند کرنے کی اپیل کردی۔

پی ٹی آئی کے وائس چیئرمین شاہ محمود قریشی نے کہا ہے کہ وہ سنجیدہ قومی مکالمہ شروع کرنے کی درخواست کرتے ہیں۔

شاہ محمود قریشی نے اپنے خط میں مزید کہا کہ پاک بھارت کشیدگی کے دوران پی ٹی آئی کی قیادت، کارکنان اور پوری قوم اپنی افواج کے پیچھے سیسہ پلائی دیوار بن کر کھڑی رہی۔ خط میں انہوں نے لکھا کہ پاکستان ہمیشہ سب سے پہلے ہے۔