وزیراعظم شہباز شریف نے صدر آصف علی زرداری سے ملاقات کی اور انھیں بھارت کے خلاف آپریشن سے متعلق آگاہ کیا۔ صدر مملکت آصف علی زرداری نے بھارت کو مؤثر جواب دینے پر مسلح افواج کی بہادری کو سراہا۔ وزیراعظم نے ملک کی موجودہ صورتحال اور بھارت کے خلاف کامیاب جوابی کارروائی ”آپریشن بنیان مرصوص“ کے تناظر میں مختلف سیاسی جماعتوں کے رہنماؤں سے ٹیلی فونک رابطے بھی کیے۔

وزیراعظم شہبازشریف کی صدر آصف زرداری سے ملاقات ہوئی ہے۔ ملاقات میں نائب وزیراعظم اسحاق ڈار اور وفاقی وزیر قانون اعظم نذیر تارڑ بھی شریک تھے۔ ذرائع کا کہنا ہے کہ وزیراعظم نے صدر مملکت کو جنگی صورتحال پر آگاہ کیا، ملاقات میں پاک بھارت کیشدگی کی صورتحال پر بھی بات چیت ہوئی۔

وزیراعظم شہباز شریف نے بھارت کے خلاف آپریشن سے متعلق آگاہ کیا جس پر صدر مملکت آصف علی زرداری نے بھارت کو مؤثر جواب دینے پر مسلح افواج کی بہادری کو سراہا۔

صدر مملکت نے کہا کہ پاکستان نے ایک ذمہ دار اور امن پسند قوم ہونے کا ثبوت دیا، بھارتی اشتعال انگیزیوں کے مقابلے میں تحمل کا مظاہرہ کیا، بھارت جارحیت پر دفاع میں جواب دینے کے سوا کوئی چارہ نہ تھا، پوری پاکستانی قوم متحد ہے، پاکستان ملکی خودمختاری، علاقائی سالمیت کا ہر قیمت پر دفاع کرے گا۔

وزیراعظم شہبازشریف کاوفاقی وزیرسالک حسین سےٹیلیفونک رابطہ

وزیراعظم شہبازشریف نے وفاقی وزیر سالک حسین سے ٹیلیفونک رابطہ کیا اور وزیراعظم نے جوابی کارروائی“آپریشن بُنْيَانٌ مَرْصُوصٌ“پر گفتگو کی۔

وزیراعظم نے چوہدری شجاعت حسین کی خیریت بھی دریافت کی، انھوں نے کہا کہ افواجِ پاکستان نے مؤثر جواب دے کر قوم کا سر فخر سے بلند کر دیا،ہمیں اپنی بہادر افواج پر فخر ہے۔

سالک حسین نے کہا کہ ہم دعاگو ہیں کہ اللہ تعالیٰ ہمارے وطن، عوام اور افواجِ پاکستان کی حفاظت فرمائے، پوری قوم پاک فوج کے شانہ بشانہ کھڑی ہے اور ملکی سالمیت پر کوئی سمجھوتہ نہیں ہوگا۔

قبل ازیں، ذرائع کے مطابق وزیر اعظم نے چیئرمین پیپلز پارٹی بلاول بھٹو زرداری، چیئرمین پی ٹی آئی بیرسٹر گوہر، سربراہ جمعیت علمائے اسلام (ف) مولانا فضل الرحمان، ایم کیو ایم کے خالدمقبول صدیقی، امیر جماعت اسلامی حافظ نعیم الرحمان، بلوچستان عوامی پارٹی کے خالدمگسی اور مسلم لیگ (ق) کے چوہدری سالک حسین سمیت دیگر اہم رہنماؤں سے مشاورت کی۔

راولپنڈی اور لاہور میں زوردار دھماکوں اور فائرنگ کی اطلاعات، پاک فوج نے بھارتی ڈرون مار گرایا

وزیر اعظم نے رہنماؤں کو بھارتی جارحیت کے خلاف پاکستان کی عسکری حکمت عملی اور جوابی اقدامات پر اعتماد میں لیا، جبکہ سیاسی قیادت نے پاک فوج کی پیشہ ورانہ صلاحیت اور جرأت مندانہ ردِعمل کو زبردست خراج تحسین پیش کیا۔تمام سیاسی رہنماؤں نے قومی یکجہتی، ملکی سلامتی اور افواج پاکستان کے ساتھ مکمل اظہارِ یکجہتی کیا۔

بھارت کے خلاف آپریشن کا نام ’بُنْيَانٌ مَرْصُوص‘ کیوں رکھا گیا، اس کا مطلب کیا ہے؟

وزیر اعظم نے رہنماؤں کو بتایا کہ الحمدللہ! افواج پاکستان نے بھارت کو بھرپور اور منہ توڑ جواب دیا ہے۔ان کا کہنا تھا کہ بھارت نے پاکستان پر میزائل اور ڈرون حملے کیے، جس کے باوجود پاکستان نے تحمل سے کام لیا اور پہلگام واقعے پر غیرجانبدارانہ تحقیقات کی پیشکش کی، لیکن بھارت نے اسے مسترد کر دیا۔

شہباز شریف نے کہا کہ بھارت نے نور خان ایئربیس سمیت متعدد مقامات پر نہتے شہریوں کو نشانہ بنایا، جس کا پاک افواج نے انتہائی مؤثر اور کامیاب جواب دیا۔ آپریشن بنیان مرصوص کے دوران بھارت کی وہ ملٹری تنصیبات نشانہ بنائی گئیں جن سے پاکستان پر حملے کیے گئے تھے۔

پاک فوج نے آپریشن بُنْيَانٌ مَّرْصُوْص میں الفتح میزائل کی لانچ شہید پاکستانی بچوں کے نام کردی

پاکستان کا سب سے بڑا سائبر حملہ، بھارت اندھیرے میں ڈوب گیا، سینکڑوں سرکاری ویب سائٹس ہیک

وزیر اعظم نے کہا کہ ہمیں اپنی بہادر افواج پر فخر ہے اور پوری قوم کو کامیاب جوابی کارروائی پر مبارکباد پیش کرتا ہوں۔ انہوں نے سیاسی قیادت کا واضح الفاظ میں ساتھ دینے پر شکریہ ادا کیا اور کہا کہ یہ قومی اتحاد کی علامت ہے۔