وزیر قانون اعظم نذیرتارڑ نے کہا ہے کہ سندھ طاس معاہدے پر بھارت نے کام ہی غیر قانونی کیا ہے، معاہدے میں لکھا ہے نیا معاہدہ ہونے تک یہ معاہدہ برقرار رہے گا، اٹھ مئی یا بعد میں بھارت کے خطوط کا جواب دیں گے، جب تک پالیسی وضع نہیں کر لیتے جواب کی پوزیشن میں نہیں۔ بھارت کو جواب معاہدے کی شقوں کے مطابق دیا جائے گا، معاہدے کی یکطرفہ معطلی کی کوئی شق ہی نہیں۔

اسلام آباد میں وزیر قانون اعظم نذیرتارڑ نے میڈیا سے گفتگو کرتے ہوئے کہا ہے کہ سندھ طاس معاہدے پر بھارت نے کام ہی غیرقانونی کیا ہے، معاہدے میں لکھا ہے نیا معاہدہ ہونے تک یہ معاہدہ برقرار رہے گا۔

اعظم نذیرتارڑ نے کہا کہ ترمیم کے لئے معاہدے کے اندر طریقہ کار دیا گیا ہے، 8 مئی یا بعد میں بھارت کے خطوط کا جواب دیں گے، بھارت کو جواب معاہدے کی شقوں کے مطابق دیا جائے گا، معاہدے کی یکطرفہ معطلی کی کوئی شق ہی نہیں۔

پاکستان کا بھارت کو سندھ طاس معاہدے کی معطلی پر نوٹس دینے کا فیصلہ

وفاقی وزیر قانون نے کہا کہ بھارت نے کمزور زبان استعمال کی ہے۔ وزارت خارجہ، آبی وسائل، قانون متعلقہ وزارتیں پالیسی بنا رہی ہیں، جب تک پالیسی وضع نہیں کر لیتے جواب کی پوزیشن میں نہیں، مشترکہ پالیسی وضع ہونے تک مزید تبصرہ نہیں کر سکتے۔