کراچی کے پورٹ قاسم پر کسٹمز اینٹی اسمگلنگ آرگنائزیشن نے خفیہ اطلاع پرکارروائی کرتے ہوئے ملائشیا سے آنے والے کنٹینر کی جانچ کے دوران کروڑوں روپے مالیت کا اسمگل شدہ سامان برآمد کر لیا۔

ترجمان کسٹمز کے مطابق، اسمگل شدہ سامان کو ”اسکریپ“ کے جعلی ڈیکلیریشن کے تحت درآمد کیا گیا تھا، تاہم تفتیش کے دوران اس میں سے کمرشل گریڈ ایلومینیم فوائل، طبی آلات، ای سگریٹس، ویپ فلیورز اور لیتھیم بیٹریز برآمد کی گئیں۔

کسٹمز کی خفیہ اطلاع پر کارروائی، کروڑوں کا سونا اسمگل کرنے کی کوشش ناکام

ترجمان کے مطابق برآمد شدہ اشیاء کی کل مالیت تقریباً 14 کروڑ روپے ہے، جنہیں تحویل میں لے لیا گیا ہے۔ کسٹمز ایکٹ کی متعلقہ دفعات کے تحت مقدمہ بھی درج کر لیا گیا ہے۔

یوسف گوٹھ بس ٹرمینل پر چھاپہ، کروڑوں روپے کا اسمگل شدہ سامان برآمد

مزید تحقیقات جاری ہیں جب کہ کسٹمز حکام نے اسمگلنگ کی اس کوشش کو قومی خزانے اور مقامی صنعت کے خلاف سازش قرار دیتے ہوئے کریک ڈاؤن جاری رکھنے کا اعلان کیا ہے۔