وزیراعظم نے کابینہ کے نئے ارکان کی ملاقات کی شہباز شریف نے ناشتہ کروایا۔ کہا کہ کابینہ اراکین کی کارکردگی کا جائزہ خود لوں گا۔ وفاقی کابینہ کے ارکان نے ملکی ترقی اورعوامی فلاح و بہبود کے لیے فعال کردار ادا کرنے کے عزم کا اعادہ کیا۔

وزیراعظم شہباز شریف سے نئے وفاقی وزراء، وزراء مملکت اورمشیروں سمیت وفاقی کابینہ کے ارکان نے ملاقات کی۔ ملاقات میں ملکی معاشی صورتحال اور سیاسی امور پر گفتگو ہوئی۔ وزیراعظم نے وفاقی کابینہ کے نئے ارکان کے اعزاز میں ناشتے کا اہتمام بھی کیا۔ تقریب میں پی ٹی آئی دور کے وزیر دفاع پرویزخٹک بھی شریک ہوئے۔

وزیراعظم نے کہا کہ آپ سب کا انتخاب آپ کی قابلیت اور صلاحیتوں کی بنیاد پر کیا گیا، ہم سب اللہ تعالیٰ اورعوام کی عدالت میں جواب دہ ہیں، ایک سال کے عرصے مہنگائی میں خاطر خواہ کمی، زرمبادلہ کے ذخائر میں اضافہ، ترسیلات زر میں اضافہ اور دیگر معاشی اعشاریے آئندہ سالوں میں مزید بہتر بنانے کے لیے انتھک محنت جاری رکھیں گے۔

شہباز کابینہ ہیوی ویٹ ہو گئی، ایوان صدر میں تیرہ وفاقی وزرا اورگیارہ وزیرمملکت نے حلف اٹھا لیا

شہبازشریف نے کہا کہ تمام وفاقی وزراء اور کابینہ کے دیگر ارکان کی کارکردگی کا باقاعدہ اور متواتر جائزہ میں خود لوں گا، عوامی نمائندوں کے طور پر آپ کی خدمات لائق تحسین ہیں۔

وزیراعظم کا کابینہ میں توسیع کا فیصلہ، نئے وزراء کب حلف اٹھائیں گے؟

وفاقی کابینہ کے ارکان نے ملکی ترقی اور عوامی فلاح و بہبود کے لیے فعال کردار ادا کرنے کے عزم کا اعادہ کیا، شرکاء نے حالیہ معاشی ترقی پر وزیراعظم کو خراج تحسین پیش کیا۔