بھارتی پنجاب کی جوڈیشل مجسٹریٹ نے 51 سالہ بالی ووڈ اداکار سونو سود کے خلاف مبینہ مالی فراڈ کے مقدمے میں گرفتاری کے وارنٹ جاری کر دیے۔

بالی ووڈ اداکار سونوسود کی مشکلات کم ہونے کے آثار دو دور تک نظر نہیں آرہے ہیں۔ بھارتی میڈیا کی رپورٹ کے مطابق عدالتی طلبی کے باوجود پیش نہ ہونے پر ان کے وارنٹ جاری کیے گئے جبکہ کیس کی اگلی سماعت 10 فروری کو مقرر کی گئی ہے۔

اکشے کھنہ نے شادی کیوں نہیں کی؟ بڑی وجہ بتا دی

بھارتی میڈیا کے مطابق لدھیانہ کے وکیل راجیش کھنہ نے موہت شکلا کے خلاف مقدمہ دائر کیا، جس میں الزام ہے کہ انہیں جعلی سرمایہ کاری کا جھانسہ دیا گیا تھا اور سونو کو اس کیس میں گواہی دینی تھی۔

سونوگواہی دینے کے لیے ایک بار بھی عدالت نہیں پہنچے ۔ جس کے پیش نظر اب عدالت نے سونو کے خلاف وارنٹ گرفتاری جاری کر دیے ہیں۔

تاہم ابھی تک اس معاملے میں سونو کی کسی ٹیم یا وکیل کی جانب سے کوئی بیان جاری نہیں کیا گیا ہے۔