اپر کرم کے لیے اشیائے خورد و نوش سمیت دیگر سامان پر مشتمل 120 گاڑیوں کا قافلہ ٹل سے پارا چنار پہنچ گیا، کرم متاثرین کو امدادی رقوم دینے کا سلسلہ بھی جاری ہے جبکہ گزشتہ جرگے میں لوئر کرم کے عمائدین نے شرکت کی لیکن اپر کرم اور پارا چنار کے عمائدین نے جرگے میں شمولیت سے انکار کیا تھا تاہم اپر کرم اور پارا چنار کے مشیران کے ساتھ حکومتی جرگہ جلد متوقع ہے۔

ضلع کرم میں امن و امان کے قیام اور راستوں کو محفوظ بنانے کے لئے اقدامات کا سلسلہ جاری ہے، اشیائے ضروریہ پر مشتمل 120 گاڑیاں ہنگو سے پاراچنار روانہ کی گئیں۔

ڈی پی او ہنگو محمد خالد خان کے مطابق ان گاڑیوں کا قافلہ خیریت سے پارہ چنار پہنچ چکا ہے جبکہ کوہاٹ کمشنرمعتصم باللہ اور آر پی او عباس مجید مروت نے بگن کا دورہ کیا اور وہاں پر ہونے والے نقصان کا بھی جائزہ لیا ۔

سرکاری زرائع کے مطابق کوہاٹ میں 25 جنوری کو ہونے والے حکومتی جرگے میں لوئر کرم کے عمائدین نے شرکت کی لیکن اپر کرم اور پارا چنار کے عمائدین نے جرگے میں شمولیت سے انکار کیا تھا جن کے ساتھ حکومتی جرگہ جلد متوقع ہے۔

کرم کے معاملے پر گرینڈ جرگے میں فریقین نے امن معاہدے پر دستخط کردیے

اشیا ضروریہ پر مشتمل 71 گاڑیوں کا قافلہ پارا چنار پہنچ گیا

پارا چنار جانے والے قافلے پر فائرنگ اور لوٹ مار کا مقدمہ تھانہ سی ٹی ڈی میں درج

ضلعی انتظامیہ کے مطابق کرم کے راستوں اور قافلے کی حفاظت پولیس اور ضلعی انتظامیہ کر رہی ہے جبکہ سیکیورٹی فورسز بھی معاونت کے لیے ہمہ وقت موجود ہیں، کسی بھی ناخوشگوار واقعے کی صورت میں ذمہ داران سے آہنی ہاتھوں سے نمٹا جائے گا۔

کرم میں بنکرز مسماری کا سلسلہ آج سے دوبارہ شروع ہونے کا امکان

دوسری جانب کرم میں امن و امان کے قیام اور راستوں کو محفوظ بنانے کے لیے بنکرز مسماری کا سلسلہ آج سے دوبارہ شروع ہونے کا امکان ہے۔ 70 گاڑیوں پر مشتمل قافلہ بھی جائے گا ،، قافلے میں اشیائے خوردونوش ، سبزیاں اور دیگر سامان شامل ،، کرم متاثرین کو امدادی رقوم دینے کا سلسلہ بھی جاری،،کرم متاثرین کو امدادی رقوم دینے کا سلسلہ بھی جاری ہے۔۔

سرکاری ذرائع کے مطابق 70 گاڑیوں پر مشتمل سامان رسد کا ایک بڑا قافلہ آج پاڑا چنار کے لیے روانہ ہوگا، آج کے قافلے میں پیٹرول مصنوعات، آٹا، چینی، پھل، سبزیاں، ادویات اور دیگر سامان شامل ہیں۔

بگن بازار کی ٹوٹی ہوئی اور نقصان شدہ عمارتوں کی تزئین و آرائش کا کام بھی تیزی سے جاری ہے، کرم متاثرین کو امدادی رقوم دینے کا سلسلہ بھی جاری ہے۔