مردان میڈیکل کمپلیکس کے لیے طبی آلات کی خریداری اور بھرتیوں پر پابندی عائد کر دی گئی۔

محکمہ صحت خیبر پختونخوا نے چیئر پرسن بورڈ آف گورنرز کے نام مراسلہ جار ی کر دیا، مراسلے کے مطابق وزیر صحت نے ایمرجنسی ادویات کے علاوہ باقی ادویات کی خریداری پر پابندی عائد کردی۔

مراسلے میں کہا گیا کہ مردان میڈیکل کمپلیکس میں تمام جاری بھرتیوں کو فوری طور پر روک دیا جائے، ادویات کی خریداری اور بھرتیوں میں استثنیٰ کے لیے وزیر صحت سے پیشگی منظوری ضروری ہوگی۔

مراسلے میں وزیر صحت خیبر پختونخوا کی ہدایات پر فوری عمل درآمد کرنے کی ہدایت دی گئی ہے۔