Aaj News

منگل, مارچ 19, 2024  
08 Ramadan 1445  

حکومت کا مٹی کے تیل اور لائٹ ڈیزل سستا اور پیٹرول و ڈیزل کی قیمت برقرار رکھنے کا فیصلہ

مٹی کا تیل اور لائٹ ڈیزل آئل کی قیمتوں میں کمی کی گئی ہے
شائع 30 نومبر 2022 09:35pm
فوٹو — فائل
فوٹو — فائل

وفاقی حکومت نے پیٹرول اور ڈیزل کی قیمتیں برقرار جب کہ مٹی کا تیل اور لائٹ ڈیزل آئل کی قیمتوں میں کمی کرنے کا فیصلہ کیا ہے۔

اسلام آباد میں پریس کانفرنس کرتے ہوئے وزیر خزانہ اسحاق ڈار نے کہا کہ پیٹرول اور ہائی اسپیڈ ڈیزل کی قیمتیں برقرار رکھنے کا فیصلہ کیا ہے، پیٹرول کی فی لیٹر قیمت 224.80 روپے جب کہ ہائی اسپیڈ ڈیزل کی قیمت 235.30 روپے برقرار رہے گی۔

اسحاق ڈار نے کہا کہ مٹی کے تیل کی قیمت میں 10 روپے کمی کی جارہی ہے جس کے بعد مٹی کے تیل کی فی لیٹر قیمت 181 روپے ہو جائے گی۔

وزیر خزانہ نے بتایا کہ لائٹ ڈیزل کی قیمت میں ساڑھے 7 روپے کمی کی جارہی ہے، لائٹ ڈیزل کی نئی قیمت 179 روپے ہو جائے گی۔

ان کا مزید کہنا تھا کہ ٹیکس ریٹرن جمع کرانے کی تاریخ میں بھی 15 روز کی توسیع کردی گئی ہے، لہٰذا ٹیکس ریٹرن 15 دسمبر تک جمع کرائے جاسکیں گے۔

Ishaq Dar

اسلام آباد

Petroleum products

Comments are closed on this story.

تبصرے

تبولا

Taboola ads will show in this div