Aaj News

انسٹاگرام ڈاؤن: ہزاروں صارفین کے اکاؤنٹس معطل ہونے کی اطلاع

ہزاروں صارفین کے اکاؤنٹس متاثر
شائع 31 اکتوبر 2022 09:59pm
<p>تصویر بزریعہ سوشل میڈیا</p>

تصویر بزریعہ سوشل میڈیا

ہزاروں صارفین کی جانب سے شکایت سامنے آئی ہے کہ وہ میٹا کی ملکیت سوشل میڈیا پلیٹ فارم ”انسٹاگرام“ پر بنے اپنے اکاؤنٹس تک رسائی حاصل کرنے میں ناکام رہے ہیں۔

ٹوئٹر پر ”انسٹاگرام ڈاؤن“ ٹرینڈ کر رہا ہے اور کئی صارفین نے اپنے اکاؤنٹس معطل ہونے کی شکایت کی ہے۔

اس حوالے سے انسٹاگرام کی جانب سے پیر کو ٹوئٹر پر جاری بیان میں کہا گیا کہ، ”ہمیں معلوم ہے آپ میں سے کچھ کو انسٹاگرام اکاؤنٹ تک رسائی حاصل کرنے میں مسائل کا سامنا ہے۔ ہم اس کی وجہ تلاش کر رہے ہیں اور زحمت کے لیے معذرت خواہ ہیں۔“

انسٹاگرام کے ترجمان نے اکاؤنٹس کی معطلی پر کوئی تبصرہ نہیں کیا۔

متعدد انسٹاگرام صارفین نے ٹویٹ کیا ہے کہ ایپلی کیشن نے ان کے معطل شدہ اکاؤنٹ تک رسائی کے لیے ای میل آئی ڈی اور فون نمبر مانگا ہے۔

آؤٹیج ٹریکنگ ویب سائٹ ”Downdetector“ کے مطابق اب تک ہزاروں صارفین متاثر ہوچکے ہیں۔

ٹویٹر

Instagram Down

Meta Inc

Comments are closed on this story.

مقبول ترین