مسلح افراد نے اسسٹنٹ کمشنر زیارت افضل باقی کو ان کے جوان بیٹے سمیت سیاحتی مقام زیزری سے اغوا کرلیا ہے اور ان کی گاڑی کو آگ لگادی ہے۔

تفصیلات کے مطابق زیارت کے تفریحی مقام زیزری میں اس وقت سنسنی پھیل گئی جب مسلح افراد نے اسسٹنٹ کمشنر زیارت افضل باقی کو بیٹے، ڈرائیور اور محافظوں سمیت اغوا کرلیا۔

لیویز ذرائع کے مطابق اغوا کار اسسٹنٹ کمشنر زیارت کو اپنے ساتھ لے گئے ہیں جبکہ ان کے محافظوں اور ڈرائیور کو کچھ فاصلے پر بحفاظت چھوڑ دیا ہے۔

مسلح افراد نے اسسٹنٹ کمشنر کی سرکاری گاڑی کو بھی آگ لگا دی ہے، واقعے کے بعد سیکیورٹی فورسز اور مقامی انتظامیہ نے علاقے میں سرچ آپریشن شروع کردیا ہے۔