نجی اسپتالوں میں مریضوں کی اموات کی وجوہات جاننے کے لیے پنجاب حکومت نے بڑا فیصلہ کرتے ہوئے بڑے نجی اسپتالوں کے لیے مریضوں کی اموات کی وجوہات بتانا لازمی قرار دے دیا۔

پنجاب ہیلتھ کئیر کمیشن کی جانب سے بڑے نجی اسپتالوں کے لیے مریضوں کی اموات کی وجوہات بتانا لازمی قرار دیا گیا ہے، اس فیصلے کا اطلاق 50 سے زائد بستروں والے نجی اسپتالوں پر ہوگا۔

نجی اسپتالوں میں اموات کا آڈٹ کرنے کے لیے کمیٹیاں تشکیل دینے کا حکم دیا گیا ہے، جو اپنا ریکارڈ پنجاب ہیلتھ کئیر کمیشن کو دینے کے پابند ہوں گے، اس کے علاوہ نجی اسپتال یکم اگست سے آن لائن پورٹل پر اموات کا ڈیٹا شئیر کریں گے۔

پنجاب ہیلتھ کیئر کمیشن کے مطابق اموات کی وجوہات کا ڈیٹا نہ دینے والے اسپتالوں کے خلاف قانونی کارروائی ہوگی۔