محکمہ موسمیات نے 18 جولائی سے کراچی اور سندھ کے دیگر اضلاع میں بارشوں کی پیشگوئی کر دی۔ بارشوں کا یہ سلسلہ 20 جولائی تک جاری رہ سکتا ہے، جبکہ اس دوران تیز بارشوں کا امکان بھی ظاہر کیا گیا ہے۔

شہر قائد میں بدھ کی صبح مختلف علاقوں میں ہلکی بوندا باندی ہوئی، جس سے موسم خوشگوار ہو گیا۔ لسبیلہ، ناظم آباد، سرجانی اور اطراف کے علاقوں میں وقفے وقفے سے بوندا باندی کا سلسلہ جاری ہے۔

محکمہ موسمیات کے مطابق کراچی میں کم سے کم درجہ حرارت 29 جبکہ موجودہ درجہ حرارت 30 ڈگری سینٹی گریڈ ریکارڈ کیا گیا ہے۔ آئندہ دنوں میں بھی بادل چھائے رہنے اور ہلکی بارش کا امکان ہے۔