آج نیوز کی خبر پر پنجاب حکومت کا ایکشن جاری ہے۔ پاکپتن ڈسٹرکٹ اسپتال کی اعلیٰ انتظامیہ کی گرفتاری کے بعد ڈپٹی کمشنر پاکپتن، ماریہ طارق کا بھی تبادلہ کر دیا گیا۔ یاد رہے، آج نیوز نے 25 جون کو اسپتال میں 20 بچوں کی اموات کی خبر سب سے پہلے نشر کی تھی۔

اسپتال میں 20 بچوں کی اموات کے بعد وزیرِاعلیٰ پنجاب کے دورہ پاکپتن کے اثرات سامنے آنا شروع ہو گئے۔ واقعے کی سنگینی اور انتظامی ناکامیوں پر ڈپٹی کمشنر ماریہ طارق کو عہدے سے ہٹا دیا گیا ہے۔

ایڈیشنل ڈپٹی کمشنر (ریونیو) کو ڈی سی پاکپتن کا اضافی چارج دے دیا گیا ہے۔ اس کے علاوہ اسسٹنٹ کمشنر پاکپتن کا تبادلہ بھی عمل میں لایا گیا ہے۔

یاد رہے کہ گزشتہ دنوں پاکپتن کے ایک سرکاری اسپتال میں 20 بچوں کی اموات نے پورے صوبے کو ہلا کر رکھ دیا تھا، جس پر وزیراعلیٰ پنجاب نے فوری ایکشن لیتے ہوئے تحقیقات اور احتساب کا اعلان کیا تھا۔

انتظامیہ میں یہ تبدیلیاں وزیرِاعلیٰ کے اچانک دورہ پاکپتن کے بعد سامنے آئیں، جس میں انہوں نے صورتحال پر برہمی کا اظہار کیا تھا۔