پاکستان تحریک انصاف کے بانی چیئرمین عمران خان سے اڈیالہ جیل میں کل بروز منگل کو وکلا کی ملاقاتوں کا دن ہے، اس حوالے سے پی ٹی آئی نے 6 وکلا کی فہرست جیل حکام کو بھیج دی جبکہ عمران خان اور بشریٰ بی بی کے فیملی ممبران کی بھی کل جیل آمد متوقع ہے۔

فہرست میں بیرسٹر گوہر علی خان، سلمان اکرم راجہ، بیرسٹر سلمان صفدر کا نام شامل ہے، ان کے ساتھ نیاز اللہ نیازی، نعیم حیدر پنجھوتہ، ظہیر عباس چوہدری کے نام بھی فہرست میں شامل ہیں۔

وکلا کی فہرست کوآارڈینیٹر انتظار پنجوتھہ کی جانب سے جیل حکام کو بھیجی گئی، فہرست میں شامل وکلاء کل منگل کو ملاقات کے لیے اڈیالہ جیل آئیں گے۔

دوسری جانب بانی پی ٹی آئی عمران خان اور بشریٰ بی بی کے فیملی ممبران کی بھی کل جیل آمد متوقع ہے۔