پنجاب کے وزیر اقلیتی امور سردار رمیش سنگھ اروڑا نے کہا کہ پاکستان میں سکھوں کو بے پناہ عزت و احترام دیا جاتا ہے اور یہاں ان کی مذہبی آزادی کو مکمل تحفظ حاصل ہے۔

رمیش سنگھ کے مطابق بھارتی حکومت نے ایک بار پھر کرتاپور راہداری بند کر دی ہے، جو سکھ یاتریوں کے لیے شدید تکلیف دہ اقدام ہے۔ انہوں نے کہا کہ پاکستان ہمیشہ سے امن، بین المذاہب ہم آہنگی اور مذہبی آزادی کا علمبردار رہا ہے اور آج بھی سکھ یاتریوں کا خیرمقدم کرنے کے لیے تیار ہے۔

رمیش سنگھ نے کہا کہ بھارت کا سکھ یاتریوں کو ویزے جاری نہ کرنامذہبی رسومات سے روکنے کے مترادف ہے۔

رمیش سنگھ نے بھارتی میڈیا پر بھی تنقید کرتے ہوئے کہا کہ پاکستان کے خلاف بے بنیاد پروپیگنڈا مہم جاری رکھی جا رہی ہے تاکہ بھارت میں اقلیتوں کے ساتھ ہونے والی زیادتیوں سے توجہ ہٹائی جا سکے۔