جیکب آباد میں جکھرانی قبیلے کے دو گروپوں میں جھگڑے کے دوران فائرنگ سے ایک شخص جان سے گیا جبکہ دو افراد کو مبینہ طور پر اغوا کر لیا گیا۔

پولیس کے مطابق واقعہ تھانہ بقامحمد کی حدود میں واقع گاؤں بشام جکھرانی میں پیش آیا، جہاں پرانی دشمنی کی بنا پر دونوں گروپوں کے درمیان شدید جھڑپ اور فائرنگ ہوئی۔

فائرنگ کے نتیجے میں منیر جکھرانی جاں بحق ہو گیا جبکہ عزیز جکھرانی اور غلام جان جکھرانی کو مبینہ طور پر اغوا کر لیا گیا۔ پولیس کا کہنا ہے کہ یہ واقعہ دیرینہ دشمنی کا نتیجہ ہے۔

منڈی بہاؤالدین میں 8 سالہ بچی اغوا کے بعد قتل، تشدد زدہ لاش مل گئی

پولیس حکام نے مزید بتایا کہ علاقے میں امن و امان قائم رکھنے اور اغوا ہونے والے افراد کی بازیابی کے لیے سرچ آپریشن جاری ہے جبکہ ملزمان کی گرفتاری کے لیے چھاپے مارے جا رہے ہیں۔