وزیراعظم پاکستان شہباز شریف کا اگلے ہفتے ملائیشیا کا دو روزہ دورہ ملتوی ہونے کا امکان ہے۔ ذرائع کے مطابق وزیراعظم کی 8 اور 9 مئی کو کوالالمپور میں اہم ملاقاتیں طے تھیں، تاہم پاک بھارت کشیدگی کے پیش نظر یہ دورہ ملتوی ہونے کے امکانات ہیں۔

ذرائع کا کہنا ہے کہ ملکی حالات اور خطے میں بڑھتی ہوئی سیاسی صورتحال کے باعث وزیراعظم شہباز شریف کا ملائیشیا کا دورہ معطلی کا شکار ہو سکتا ہے۔

وزیر اطلاعات اور ڈی جی آئی ایس پی آر آج قومی سلامتی کی صورتحال پر اہم بریفنگ دیں گے

دوسری جانب، وزیراعظم شہباز شریف کی نواز شریف سے اہم ملاقات بھی جاتی امراء میں جاری ہے، جس میں ملکی سیاسی اور سیکیورٹی صورتحال پر تبادلہ خیال کیا جا رہا ہے۔