خیبرپختونخوا اسمبلی میں پہلگام واقعے کی مذمت اور بھارتی آبی جارحیت کے خلاف قرار داد متفقہ طور پر منظور کر لی گئی۔ قرار داد پیپلز پارٹی کے رکن صوبائی احمد کنڈی نے پیش کی۔ قرداد کی متن میں بتایا گیا ہے کہ ہندوستان انڈس واٹر ڈریٹی کا معاہدہ ختم کر رہا ہے جو نہیں کرسکتا ہے۔
خیبرپختونخوا اسمبلی کا اجلاس مسند نشین تاج محمد خان کی صدارت میں ہوا۔ اجلاس میں پیپلز پارٹی کے رکن صوبائی اسمبلی احمد کنڈی نے بھارتی آبی جارحیت کے خلاف اور پہلگام واقعے کی مذمتی قرار داد پیش کی،
احمد کنڈی کا کہنا تھا کہ سندھ طاس معاہدہ دو طرفہ ہے ہندوستان ایسے ختم نہیں کرسکتا۔ ان کا کہنا تھا کہ ہم بھارت کے مظلم کی شدید الفاظ میں مذمت کرتے ہیں۔ پارٹیوں سے بالاتر ہو کر ہمیں ملک کے ساتھ کھڑا ہونا ہے۔
قرار داد پر بحث مکمل ہونے کے بعد اس سے قبل پیپلز پارٹی کے رکن اسمبلی نے ایوان میں بھارتی کی آبی جارحیت کے خلاف قرارداد لانے کی تجویز پیش کی تو صوبائی وزیر قانون آفتاب عالم نے ایوان کو کہا ہے قرارداد اس وقت تیار نہیں آئندہ اجلاس میں لائینگے۔
