طورخم سرحد کشیدگی کے حوالے سے افغان جرگہ خصوصی پیغام لے کر کابل پہنچ گیا۔

جرگہ ذرائع کے مطابق طورخم سرحد کشیدگی کے حوالے سے افغانستان کے 25 رکنی جرگہ کی کابل میں اعلیٰ حکام سے ملاقات ہوئی ہے۔

ذرائع کے مطابق جرگہ عمائدین افغان حکام کو طورخم سرحد کے قریب پاکستانی حدود میں افغان تعمیرات بند کرنے پر قائل کریں گے، اور افغان حکام کا موقف لیکر پاکستانی جرگہ سے اگلے نشست میں مشاورت کریں گے۔

جرگہ ذرائع نے بتایا کہ اگر افغان حکام متنازعہ تعمیرات بند کرنے پر رضامند ہوئے تو پاکستان طورخم سرحد کھول سکتا ہے۔