برازیل کی شمال مشرقی ریاست باہیا کے علاقے پلانالٹو میں 14 سالہ نوجوان کی درد ناک موت ہوئی جس نے مبینہ طور پر ایک آن لائن چیلنج کے تحت مردہ تتلی کو پانی میں ملا کر خود کو انجیکشن لگایا تھا۔

غیر ملکی میڈیا رپورٹ کے مطابق ڈیوی نونس موریرا نے یہ غیر معمولی تجربہ کرنے کے بعد الٹیاں شروع کر دیں اور لنگڑانے لگا جس پر اسے فوری طور پر ہسپتال منتقل کیا گیا۔

ڈاکٹروں کو اس نے بتایا کہ اس نے ایک کیمسٹ سے لا کر ایک مردہ مونارک تتلی کو پانی میں گھولا اور اس محلول کو اپنی دائیں ٹانگ میں انجیکٹ کر لیا۔

خوبصورتی کا ٹائٹل حاصل کرنے والی امریکی دوشیزہ کار حادثے میں ہلاک

حالت بگڑنے پر اسے فوری طور پر ریاست کے تیسرے بڑے شہر وٹوریا دا کونکیستا کے ایک بڑے ہسپتال منتقل کیا گیا جس کے بعد وہ موت کے منہ میں چلا گیا۔

ابتدائی تحقیقات کے مطابق داوی نے مرنے سے قبل اس بات سے انکار کیا کہ وہ کسی سوشل میڈیا چیلنج کا شکار ہوا تھا لیکن مقامی پولیس نے پوسٹ مارٹم کے نتائج کا انتظار کرتے ہوئے اس معاملے کی مزید تفتیش شروع کر دی ہے۔

گردن پر 270 کلو وزنی راڈ گرنے سے بھارتی گولڈ میڈلسٹ ایتھلیٹ ہلاک

ماہرین کا کہنا ہے کہ تتلیوں میں کئی پیچیدہ کیمائی مواد موجود ہوتے ہیں، جن کی مکمل تحقیق نہیں ہوئی، اور بعض اقسام زہریلی بھی ہو سکتی ہیں۔

ماہرین کے مطابق مونارک تتلی ایک مخصوص پودے کا زہریلا مادہ جذب کرتی ہے جو اسے شکاریوں کے لیے بدذائقہ بناتا ہے، لیکن عام طور پر یہ مادہ انسانوں کے لیے خطرناک یا جان لیوا نہیں ہوتا۔