امریکا میں ایک خاتون پرواز مس ہو جانے پر ایسی مشتعل ہوگئی کہ بورڈنگ کاؤنٹر پر چڑھ گئی اور وہاں رکھے ہوئے کمپیوٹر مانیٹر کو متعلقہ اسٹاف پر دے مارا۔

یہ واقعہ شکاگو کے اوہیئر انٹرنیشنل ایئر پورٹ کا ہے۔ سوشل میڈیا پر وائرل ہونے والی ویڈیو میں دیکھا جاسکتا ہے کہ عورت چیک اِن کاؤنٹر پر رکھے ہوئے مانیٹر اٹھاکر پھینک رہی ہے اور فرنٹیئر ایئر لائنز کے اسٹاف کو احمق قرار دے رہی ہے۔

یہ واقعہ جولائی میں رونما ہوا تھا۔ پولیس نے تفتیش مکمل کرنے کے بعد ویڈیو جاری کی ہے۔ ویڈیو میں دیکھا جاسکتا ہے کہ فرنٹیئر ایئر لائن کا عملہ خاتون کو منانے کی کوشش کر رہا ہے مگر وہ بپھری ہوئی ہے اور چیزیں اٹھا اٹھاکر پھینک رہی ہے۔