کوئٹہ: سریاب میں دہشت گردوں نے ریلوے ٹریک دھماکے سے اڑا دیا

دھماکے کے بعد ٹریک پر ٹرینوں کی آمدورفت روک دی گئی ہے، پولیس
شائع 29 نومبر 2025 04:56pm

کوئٹہ کے علاقے سریاب میں دہشت گردوں نے دھماکے سے ریلوے لائن کو نقصان پہنچایا ہے، جس کے بعد فی الحال اِس ٹریک پر ٹرینوں کی آمدورفت روک دی گئی ہے۔

کوئٹہ کے علاقے سریاب میں نامعلوم افراد نے ریلوے لائن کو دھماکے سے اڑا دیا، جس کے نتیجے میں کوئٹہ آنے اور جانے والی ٹرینوں کی آمد و رفت روک دی گئی ہے۔

دھماکے کی اطلاع ملتے ہی پولیس اور بم ڈسپوزل اسکواڈ کی ٹیمیں جائے وقوعہ پر پہنچ گئیں اور علاقے کو گھیرے میں لے کر سرچ آپریشن شروع کر دیا۔ حکام کا کہنا ہے کہ واقعے کی تحقیقات کی جارہی ہیں۔