اسرائیلی فوج نے دعویٰ کیا ہے کہ یمن سے داغا گیا ایک میزائل فضاء میں ہی ناکارہ بنا دیا۔

عرب میڈیا کے مطابق میزائل حملے سے قبل اسرائیل کے مختلف علاقوں میں سائرن بجے، تاہم حملے میں کسی جانی نقصان کی اطلاع نہیں ملی۔

تاحال کسی گروپ نے حملے کی ذمہ داری قبول نہیں کی، لیکن ماضی میں یمن کے حوثی باغی، غزہ پر اسرائیلی حملوں کے ردِ عمل میں متعدد بار اسرائیل پر میزائل اور ڈرون حملے کر چکے ہیں۔

7 اکتوبر 2023 کے بعد سے حوثیوں نے حماس کی حمایت میں اسرائیل پر حملوں کا سلسلہ تیز کر دیا ہے۔

دوسری طرف اسرائیل نے غزہ پر ممکنہ قبضے کی تیاری کے لیے سرحدی علاقوں میں مزید فوجی کمک تعینات کر دی ہے۔

تازہ اسرائیلی بمباری میں 60 سے زائد فلسطینی شہید ہوگئے، جبکہ غذائی قلت کے باعث مزید 3 اموات کے بعد قحط سے جاں بحق ہونے والوں کی تعداد 303 ہو چکی ہے۔