امریکی صدر ڈونلڈ ٹرمپ نے کہا ہے کہ میرے علم میں نہیں اس وقت غزہ میں کیا ہو رہا ہے۔

اسکاٹ لینڈ میں یورپی کمیشن کی سربراہ سے ملاقات کے موقع پر میڈیا سے گفتگو میں صدر ٹرمپ نے کہا کہ حماس یرغمالیوں کو واپس نہیں کرنا چاہتی۔

امریکی صدر ٹرمپ نے اس موقع پر کہا کہ مذاکرات کی ناکامی کے بعد نہیں جانتا اب غزہ میں کیا ہوگا۔

ٹرمپ نے یرغمالیوں کی رہائی کو ضروری قرار دیتے ہوئے دعویٰ کیا کہ حماس نے مذاکرات میں سخت مؤقف اپنایا جس سے صورتحال پیچیدہ ہوگئی۔

انہوں نے کہا کہ اب اسرائیل کو غزہ میں آئندہ کے لائحہ عمل سے متعلق فیصلہ خود کرنا ہوگا۔

امریکی صدر کا صحافیوں سے گفتگو میں مزید کہنا تھا کہ غزہ میں قحط نہیں، خوراک کی کمی ہے۔

امریکا نے غزہ کے لیے 60 ملین ڈالر کی امداد فراہم کی ہے کسی نے شکریہ تک ادا نہیں کیا۔

ٹرمپ کا کہنا تھا کہ مستقبل میں مزید امداد بھجوائیں گے، نیتن یاہو سے امداد لانے پربات کی ہے۔