کراچی میں آج مون سون کے تیسرے اسپیل کا آغاز ہونے جا رہا ہے، محکمہ موسمیات کے مطابق شہر میں ہلکی سے درمیانی شدت کی بارش متوقع ہے۔ آج مطلع ابر آلود رہے گا جبکہ موسم عمومی طور پر مرطوب ہو گا۔

محکمہ موسمیات کے مطابق زیادہ سے زیادہ درجہ حرارت 35 ڈگری سینٹی گریڈ تک جا سکتا ہے، جبکہ صبح کے وقت موجودہ درجہ حرارت 30 ڈگری سینٹی گریڈ ریکارڈ کیا گیا۔ ہوا میں نمی کا تناسب 69 فیصد ہے اور جنوب مغربی سمت سے ہوائیں 13 کلومیٹر فی گھنٹہ کی رفتار سے چل رہی ہیں۔

شہر کے باسیوں کو ہدایت کی گئی ہے کہ وہ موسم کی صورتحال پر نظر رکھیں اور بارش کے دوران غیر ضروری سفر سے گریز کریں۔