غزہ میں واحد کیتھولک چرچ پر اسرائیلی حملے میں 3 افراد ہلاک اور فادر گیبریل رومانیلی سمیت دس افراد زخمی ہو گئے۔

رپورٹ کے مطابق پوپ لیو اور دیگرممالک کی جانب سے اسرائیلی حملے کی شدید مذمت کی گئی۔

انہوں نے کہا کہ چرچ پر حملہ ناقابل قبول ہے۔ انہوں نے غزہ میں فوری جنگ بندی کا مطالبہ دہراتے ہوئے کہا کہ اُنہیں امید ہے کہ خطے امن کے لیے فریقین کے درمیان جلد معاہدہ ہو جائے گا۔

رپورٹ میں بتایا گیا کہ صدر ٹرمپ نے چرچ پر حملے کے فوری بعد اسرائیلی وزیراعظم کو ٹیلی فون کیا۔

ترجمان وائٹ ہاؤس کا کہنا ہے صدر ٹرمپ نے نیتن یاہو سے چرچ حملے سے متعلق بات کی۔

اسرائیلی وزیراعظم نے چرچ پر حملے کو غلطی قرار دیتے ہوئے افسوس کا اظہار کیا اور نیتن یاہو کو معاملے پر بات چیت کے لیے امریکا بلایا لیا ہے۔

ترجمان نے مزید کہا کہ امریکی مداخلت کے بعد شام کی صورتحال بہتر ہوتی دکھائی دے رہی ہے۔

صدر ٹرمپ 25 سے 29 جولائی کو اسکاٹ لینڈ اور 17 سے 19 ستمبر کو برطانیہ کا دورہ کریں گے۔