پاکستان کا پانی بند کرنے کی بھڑکیں مارنے والے بھارت کو خود پانی کے لالے پڑگئے۔ چین نے دریائے برہما پترا پر ایک سو سینتیس ارب ڈالر کی لاگت سے ڈیم کی تعمیر شروع کردی۔

ذرائع کے مطابق یہ منصوبہ دنیا کا سب سے بڑا پن بجلی منصوبہ ہوگا اور اس سے 60 ہزار میگاواٹ بجلی پیدا ہوسکے گی۔

ذرائع کا کہنا ہے کہ چین کے ڈیم منصوبے پر آسام اور اروناچل پردیش میں خوف پھیل گیا۔ چینی منصوبے کو پانی کا ایٹم بم قرار دیا جائے لگا۔

بھارت نے سندھ طاس معاہدہ توڑا تو کیا اس کو جواز بنا کر چین بھارت کا پانی روک سکتا ہے؟

ذرائع کے مطابق اروناچل کے وزیراعلیٰ نے خدشہ ظاہر کیا ہے کہ ڈیم کی وجہ سے براہما پترا اور سیانگ دریاؤں کا پانی کافی حد تک خشک ہو سکتا ہے۔

ان کا کہنا تھا کہ اگر چین نے اچانک پانی چھوڑ دیا تو آسام اور اروناچل کے قبائلی علاقوں میں تباہی مچ جائے گی۔