وفاقی حکومت نے فنانس ایکٹ 2025 کے تحت درآمدی گاڑیوں پر کسٹمز ڈیوٹی میں نمایاں کمی کر دی ہے، جس کے نتیجے میں پاکستان میں اعلیٰ درجے کی لگژری ایس یو ویز SUVs کی قیمتوں میں واضح کمی دیکھنے میں آ رہی ہے۔

اس اقدام کی پشت پناہی حالیہ جاری کردہ نئے ایس آر اوز (SROs) سے کی گئی ہے۔

اس پالیسی کے تحت کسٹمز ڈیوٹی، ریگولیٹری ڈیوٹی اور ایڈیشنل کسٹمز ڈیوٹی میں کمی کی گئی ہے۔ خاص طور پر اے سی ڈی کو 7 فیصد سے کم کر کے 6 فیصد کر دیا گیا ہے، جس سے مجموعی درآمدی لاگت میں نمایاں کمی واقع ہوئی ہے۔

مارکیٹ میں اس پالیسی تبدیلی کے اثرات اب واضح طور پر نظر آ رہے ہیں، خاص طور پر درآمد شدہ لگژری ای یو ویز جیسے کہ ٹویوٹا لینڈ کروزر LC300، LC200، پراڈو LC150، اور لیکسس LX570/LX600 کی قیمتوں میں نمایاں کمی دیکھی گئی ہے۔

وفاقی بجٹ کے بعد پاک سوزوکی نے اپنی تمام گاڑیوں کی قیمتوں میں اضافہ کر دیا

لگژری SUVs کی قیمتوں میں کمی

یہ پالیسی تبدیلی اب مارکیٹ میں صاف نظر آ رہی ہے، جہاں درآمد شدہ لگژری SUVs کی قیمتوں میں لاکھوں روپے کی کمی دیکھنے میں آئی ہے، خاص طور پر مندرجہ ذیل ماڈلز میں جیسے

Prado LC150

2020 ماڈل: قیمت میں 24 سے 26 لاکھ روپے کمی

2021 ماڈل: قیمت میں 29 سے 30 لاکھ روپے کمی

Lexus LX570

2020 ماڈل: قیمت میں 65 سے 67 لاکھ روپے کمی

2021 ماڈل: قیمت میں 75 سے 78 لاکھ روپے کمی

Land Cruiser LC200 – URJ 202 سیریز

URJ 202-ZX (2020): قیمت میں 41 سے 42 لاکھ روپے کمی

URJ 202-ZX (2021): قیمت میں 47 سے 48 لاکھ روپے کمی

URJ 202-AX (2020): قیمت میں 30 سے 32 لاکھ روپے کمی

URJ 202-AX (2021): قیمت میں 35 سے 37 لاکھ روپے کمی

Land Cruiser LC300 – AX اور ZX ماڈلز

AX (2021): قیمت میں 37 سے 38 لاکھ روپے کمی

AX (2022): قیمت میں 45 سے 46 لاکھ روپے کمی

AX (2023): قیمت میں 54 سے 55 لاکھ روپے کمی

ZX (2021): قیمت میں 49 سے 50 لاکھ روپے کمی

ZX (2022): قیمت میں 60 سے 61 لاکھ روپے کمی

ZX (2023): قیمت میں 70 سے 71 لاکھ روپے کمی

ZX (2024): قیمت میں 76 سے 80 لاکھ روپے کمی

ممکنہ اثرات

حکومتی ذرائع کے مطابق یہ اقدامات ملکی آٹو مارکیٹ کو بہتر بنانے اور معیشت میں شفافیت لانے کے لیے کیے گئے ہیں۔

حکام کا کہنا ہے کہ یہ اقدامات درآمدات کی حوصلہ افزائی اور صارفین کو ریلیف دینے کے لیے کیے گئے ہیں، جبکہ آٹو مارکیٹ میں نئی جان ڈالنے کی بھی کوشش کی گئی ہے۔