پرائی جنگوں میں ٹانگ اڑانا اور اسرائیل کی بے جا حمایت نے امریکی صدر ٹرمپ کی مقبولیت کو زبردست نقصان پہنچا دیا ، کئی سوئنگ ریاستوں سمیت جیتی گئی 31 ریاستوں میں سے 15 میں ٹرمپ کی مقبولیت منفی ہوگئی۔

امریکی صدر ڈونلڈ ٹرمپ کی جانب سے اسرائیل کی غیر مشروط حمایت اور پرائی جنگوں میں مداخلت کے باعث ان کی عوامی مقبولیت کو شدید نقصان پہنچا ہے۔

تازہ سیاسی تجزیوں اور عوامی جائزوں کے مطابق ٹرمپ کی مقبولیت ان ریاستوں میں بھی منفی ہو گئی ہے جہاں وہ ماضی میں کامیابی حاصل کر چکے تھے۔

اعداد و شمار کے مطابق ٹرمپ کی مقبولیت 31 جیتی ہوئی ریاستوں میں سے 15 میں نیچے آ چکی ہے۔ ریاست مشی گن میں ان کی مقبولیت منفی 11، نیواڈا میں منفی 12، وسکونسن میں منفی 13 اور پینسلوانیا میں منفی 12 پوائنٹس تک گر گئی ہے۔

اسی طرح نارتھ کیرولینا میں ٹرمپ کی مقبولیت منفی 8، ایریزونا میں منفی 12، ٹیکساس میں منفی 8، اوہائیو اور جارجیا میں منفی 6، جبکہ فلوریڈا اور انڈیانا میں بھی منفی سطح پر جا پہنچی ہے۔

تجزیہ کاروں کا کہنا ہے کہ اگر یہی رجحان برقرار رہا تو ڈونلڈ ٹرمپ کے لیے آئندہ مڈٹرم انتخابات میں کامیابی حاصل کرنا مشکل ہو جائے گا، خصوصاً جب ان کی خارجہ پالیسی پر عوامی ردعمل منفی ہوتا جا رہا ہے۔