ایران کی جانب سے اقوام متحدہ میں اعلان کیا گیا ہے کہ امریکی حملے کا بھرپور جواب دیا جائے گا۔

رپورٹ کے مطابق ایرانی مندوب سعید ایراوانی نے سلامتی کونسل کے ہنگامی اجلاس سے خطاب میں کہا کہ امریکی حملے کا جواب دینے کا وقت اور نوعیت کا فیصلہ ایرانی افواج کرے گی۔

ان کا کہنا تھا کہ ایران پر امریکی الزامات بے بنیاد ہیں، امریکا کے الزامات کے سیاسی محرکات ہیں جن کی کوئی قانونی حیثیت نہیں ہے۔

انہوں نے مزید کہا کہ امریکا کا ایران پر حملہ عالمی قوانین کی خلاف ورزی ہے۔ جنگی مجرم نیتن یاہو امریکا کو جنگ میں دھکیلنے میں کامیاب ہوگیا۔

صدر ٹرمپ کا ایران پر حملے کے بعد رجیم چینج کا مطالبہ

ایرانی مندوب سعید ایراوانی کا مزید کہنا تھا کہ ایران کو پر امن مقاصد کے لئے جوہری انرجی کے حصول سے روکا جارہا ہے، دنیا ایران کے خلاف طاقت کا استعمال دیکھ رہی ہے۔

سعید ایراوانی نے کہا کہ اسرائیلی جارحیت سے خطہ غیر محفوظ ہوچکا، سلامتی کونسل کو بات چیت کے ذریعے حل نکالنا چاہئے۔

ایران پر امریکی حملے کے بعد سعودی عرب سمیت خلیجی ممالک میں سیکیورٹی ہائی الرٹ

واضح رہے کہ گزشتہ روز امریکہ نے ایران کی تین اہم جوہری تنصیبات فردو، نطنز اور اصفہان پر بنکر بسٹر بموں اور ٹوم ہاک میزائلوں سے حملہ کیا تھا، جس کے بعد عالمی سطح پر تشویش کی لہر دوڑ گئی۔