پنجاب میں سرکاری سینئر ڈاکٹرز کیلئے اعلیٰ طبی تعلیم کی راہ میں بڑی رکاوٹ کھڑی کر دی گئی ہے۔ محکمہ اسپیشلائزڈ ہیلتھ کئیر نے نئی پالیسی کے تحت 40 سال سے زائد عمر کے ڈاکٹرز کو پوسٹ گریجویشن اور 45 سال سے زائد عمر کے ڈاکٹرز کو سیکنڈ فیلوشپ کیلئے نااہل قرار دے دیا ہے۔

محکمہ نے اس حوالے سے باقاعدہ نوٹیفکیشن جاری کرتے ہوئے واضح کر دیا ہے کہ اب پوسٹ گریجویشن کے داخلے کیلئے عمر کی بالائی حد مقرر کر دی گئی ہے۔

نئی پالیسی کے مطابق 40 سال سے زائد عمر کے ڈاکٹرز پوسٹ گریجویشن میں داخلے کے اہل نہیں ہوں گے اسی طرح 45 سال سے زائد عمر کے ڈاکٹرز سیکنڈ فیلوشپ کیلئے درخواست نہیں دے سکیں گے۔