وزیر دفاع خواجہ آصف کا کہنا ہے کہ امریکا نے جیسے جنگ رکوائی ویسے مسئلہ کشمیر بھی حل کرے، جو چاہیں گے اپنے دفاع میں کریں گے، بھارت کو تشویش ہورہی ہے، تو ہونے دیں۔

نجی ٹی وی کے پروگرام میں گفتگو کرتے ہوئے وزیر دفاع خواجہ آصف نے کہا کہ بھارت کو اگر کھرک ہورہی ہے، تشویش ہورہی ہے تو ہونے دیں، پاکستان کو اپنے دفاع کے لیے جو چاہے حاصل کرنے کا حق ہے۔

وزیر دفاع نے کہا کہ بھارت چاہتا ہے کہ کشیدگی ختم ہو تو کشمیر مسئلہ ختم کرے، بھارت سندھ طاس معاہدے کو معطل کرسکتا ہے، تو شملہ معاہدہ بھی دو طرفہ نہیں ہوسکتا۔

خواجہ آصف نے مزید کہا کہ امریکا نے جس طرح جنگ رکوائی تو کشمیر کا مسئلہ بھی حل کرے، پاکستان جدید ترین اسلحہ حاصل کرے گا۔