ایران اور اسرائیل کے درمیان جاری کشیدگی اور جنگ کے تناظر میں پاکستان نے اہم فیصلہ کرلیا۔

وزارت خارجہ کے سیںئر حکام کے مطابق پاکستان نے ایران سے سفارت کاروں اور اسٹاف کی فیملیز کے انخلا کا فیصلہ کیا ہے جبکہ غیراسٹاف کے انخلا کا بھی فیصلہ کیا گیا ہے۔

سینئر حکام نے بتایا کہ تہران میں پاکستانی سفارت خانہ بدستور کام کرتا رہے گا، پاکستانی قونصلیٹ بھی کام کرتے رہیں گے۔

اس اقدام کا مقصد پاکستان کے سفارتی عملے اور ان کے خاندانوں کی حفاظت کو یقینی بنانا ہے،جبکہ سفارتی خدمات کو بلا تعطل جاری رکھا جائے گا۔

خیال رہے کہ یہ فیصلہ ایران پر اسرائیلی حملوں اور خطے میں بڑھتی ہوئی کشیدگی کے پیش نظر کیا گیا ہے جبکہ پاکستانی دفتر خارجہ نے پہلے ہی ان حملوں کی مذمت کرتے ہوئے ایران کے ساتھ مکمل یکجہتی کا اظہار کیا ہے۔