جوڈیشل کمپلیکس بخشی خانہ میں لایا گیا ملزم فرار ہوگیا، اڈیالہ سے ملزمان کو پیشی کیلئے لایا گیا تھا، جوڈیشل کمپلیکس بخشی خانہ میں گنتی کے دوران ایک ملزم کم نکلا، ملزم امان اللہ کیخلاف منشیات کا مقدمہ درج ہے۔

پولیس کےمطابق جوڈیشل کمپلیکس اسلام آباد کے بخشی خانہ سے ایک ملزم غائب ہوگیا ہے۔ اڈیالہ جیل سے پیشی کے لیے جوڈیشل کمپلیکس لائے گئے ملزمان کی گنتی کے دوران معلوم ہوا کہ ایک ملزم، امان اللہ، بخشی خانہ سے غائب ہے۔

پولیس کے مطابق امان اللہ کے خلاف منشیات کا مقدمہ درج ہے اور اس کی فوری تلاش شروع کردی گئی ہے۔

حکام کا کہنا ہے کہ ملزم کی بازیابی کے لیے تمام ممکنہ اقدامات کیے جا رہے ہیں اور جلد اسے گرفتار کر لیا جائے گا۔